ਚੰਡੀਗੜ : ਪੰਜਾਬ ਸਰਕਾਰ ਨੇ ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਸਲਾਹਕਾਰਾਂ ਦੀ ਪੁਲਿਸ ਸੁਰੱਖਿਆ ਵਾਪਸ ਲੈ ਲਈ ਹੈ। ਏਡੀਜੀਪੀ (ਸੁਰੱਖਿਆ) ਵੱਲੋਂ ਸੂਬੇ ਦੇ ਪੁਲਿਸ ਕਮਿਸ਼ਨਰਾਂ ਅਤੇ ਐਸਐਸਪੀਜ਼ ਨੂੰ ਪੱਤਰ ਜਾਰੀ ਕਰਕੇ ਸੀਨੀਅਰ ਐਡਵਾਈਜ਼ਰ ਲੈਫਟੀਨੈਂਟ ਜਨਰਲ ਟੀਐਸ ਸ਼ੇਰਗਿੱਲ, ਰਵੀਨ ਠੁਕਰਾਲ ਮੀਡੀਆ ਐਡਵਾਈਜ਼ਰ, ਓਐਸਡੀ ਮੇਜਰ ਅਮਰਦੀਪ ਸਿੰਘ, ਸੰਦੀਪ ਸਿੰਘ ਬਰਾੜ ਓਐਸਡੀ, ਦਮਨਜੀਤ ਸਿੰਘ ਮੋਹੀ ਓਐਸਡੀ, ਗੁਰਪ੍ਰੀਤ ਸਿੰਘ ਢੇਸੀ ਓਐਸਡੀ, ਸੰਦੀਪ ਸਿੰਘ ਸੰਧੂ ਓਐਸਡੀ, ਅੰਕਿਤ ਬਾਂਸਲ ਓਐਸਡੀ, ਜਗਦੀਪ ਸਿੰਘ ਸਿੱਧੂ ਓਐਸਡੀ, ਗੁਰਮੇਹਰ ਸਿੰਘ ਸੇਖੋ ਸਿਆਸੀ ਸਕੱਤਰ, ਕਰਨਵੀਰ ਸਿੰਘ ਓਐਸਡੀ, ਨਰਿੰਦਰ ਭਾਂਬਰੀ ਓਐਸਡੀ, ਪਰਮਿੰਦਰਪਾਲ ਸਿੰਘ ਮਾਨ ਸਿਆਸੀ ਸਕੱਤਰ, ਵਿਮਲ ਸੰਬਲੀ ਪ੍ਰੈਸ ਸਕੱਤਰ, ਖ਼ੂਬੀ ਰਾਮ ਸੁਰੱਖਿਆ ਸਲਾਹਕਾਰ, ਜੀਐਸ ਸੋਢੀ ਓਐਸਡੀ, ਸੁਰੇਸ਼ ਕੁਮਾਰ ਚੀਫ ਪ੍ਰਿੰਸੀਪਲ ਸੈਕਟਰੀ, ਭਰਤਇੰਦਰ ਸਿੰਘ ਚਾਹਲ ਮੀਡੀਆ ਐਡਵਾਈਜ਼ਰ ਅਤੇ ਮਹਾਰਾਣੀ ਪ੍ਰਨੀਤ ਕੌਰ ਦੇ ਓਐਸਡੀ ਹਨੀ ਸੇਖੋ ਦੀ ਸੁਰੱਖਿਆ ਵਿੱਚ ਲੱਗੇ ਪੁਲਿਸ ਮੁਲਾਜ਼ਮਾਂ ਨੂੰ ਵਾਪਸ ਬੁਲਾਉਣ ਲਈ ਕਿਹਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਨੂੰ ਹਟਾਏ ਜਾਣ ਤੋਂ ਬਾਅਦ ਉਸ ਦੇ ਕੁਝ ਸਲਾਹਕਾਰਾਂ ਨੇ ਅਸਤੀਫ਼ਾ ਦੇ ਦਿੱਤਾ ਸੀ ਅਤੇ ਬਾਕੀਆਂ ਨੂੰ ਚੰਨੀ ਸਰਕਾਰ ਵੱਲੋਂ ਹਟਾ ਦਿੱਤਾ ਗਿਆ ਸੀ।
Menu
