ਬਰਨਾਲਾ, 11 ਨਵੰਬਰ (ਨਿਰਮਲ ਸਿੰਘ ਪੰਡੋਰੀ) : ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਆਜਾਦੀ ਘੁਲਾਟੀਆਂ/ਉਨਾਂ ਦੇ ਵਾਰਡਾਂ ਲਈ 15 ਨਵੰਬਰ ਨੂੰ ਵਿਸ਼ੇਸ਼ ਸ਼ਿਕਾਇਤ ਨਿਵਾਰਨ ਮੁਹਿੰਮ ਚਲਾਈ ਜਾਵੇਗੀ। ਜਾਣਕਾਰੀ ਦਿੰਦਿਆਂ ਡਿਪਟੀ ਕਮਿਸਨਰ ਬਰਨਾਲਾ ਸ੍ਰੀ ਕੁਮਾਰ ਸੌਰਭ ਰਾਜ ਨੇ ਦੱਸਿਆ ਕਿ ਇਹ ਜ਼ਿਲਾ ਪੱਧਰੀ ਸਕਿਾਇਤ ਨਿਵਾਰਨ ਮੁਹਿੰਮ ਹਰ ਮਹੀਨੇ ਦੀ 15 ਤਰੀਕ ਨੂੰ ਚਲਾਈ ਜਾਵੇਗੀ। ਜੇਕਰ ਗਜਟਿਡ ਛੁੱਟੀ ਮਹੀਨੇ ਦੇ 15ਵੇਂ ਦਿਨ ਆਉਂਦੀ ਹੈ, ਤਾਂ ਵਿਸੇਸ ਮੁਹਿੰਮ ਉਸ ਮਹੀਨੇ ਦੇ ਅਗਲੇ ਕੰਮ ਵਾਲੇ ਦਿਨ ਆਯੋਜਿਤ ਕੀਤੀ ਜਾਵੇਗੀ। ਇਹਨਾਂ ਮੁਹਿੰਮਾਂ ਦੌਰਾਨ, ਸੁਤੰਤਰਤਾ ਸੈਨਾਨੀਆਂ/ਉਨਾਂ ਦੇ ਵਾਰਡਾਂ ਨੂੰ ਉਹਨਾਂ ਨੂੰ ਉਪਲਬਧ ਸਹੂਲਤਾਂ ਅਤੇ ਇਹਨਾਂ ਸਹੂਲਤਾਂ ਦਾ ਲਾਭ ਲੈਣ ਦੀ ਵਿਧੀ ਬਾਰੇ ਜਾਣੂ ਕਰਵਾਇਆ ਜਾਵੇਗਾ ਅਤੇ ਸਲਾਹ ਦਿੱਤੀ ਜਾਵੇਗੀ। ਇਹ ਸੁਨਿਸਚਿਤ ਕਰਨ ਲਈ ਕੀਤਾ ਜਾ ਰਿਹਾ ਹੈ ਕਿ ਸੁਤੰਤਰਤਾ ਸੈਨਾਨੀਆਂ/ਉਨਾਂ ਦੇ ਵਾਰਡਾਂ ਨੂੰ ਗਿਆਨ ਦੀ ਘਾਟ ਕਾਰਨ ਕਿਸੇ ਕਿਸਮ ਦੀਆਂ ਸਰਕਾਰੀ ਸਹੂਲਤਾਂ ਤੋਂ ਵਾਂਝਾ ਨਾ ਰੱਖਿਆ ਜਾਵੇ।
Menu
